Көкшетауда «Мини-ЭКСПО-2014» жобалары мен инновациялық идеялары талқыланды
2 Қыркүйек, 2014 16:38
Көкшетауда «Нұр Отанның» облыстық филиалында «Мини-ЭКСПО-2014» жобалары мен инновациялық идеялары көрмесінің аймақтық байқауының өткізу уақыты талқыланды, деп облыстық әкімдікте хабарлады.
Ұйымдастырушылардың айтуынша, көрме алаңдарында инновациялық идеялар мен ғылыми жобалардың жәдігерлерін қою жоспарланған. Онда ауыл шаруашылығы, энергетика, су ресурстары, қоқыстарды өңдеу сынды салалардың даму әлеуеті қарастырылады.
Сондай-ақ, Қазақстандағы EXPO өткізудің маңыздылығы мен рөлі, «жасыл» экономиканы енгізу маңыздылығы талқыланады.
Профессор Х. Байшагиров өзі әзірлеген жел генераторы туралы әңгімелеп берді.
«Байқау мен көрме бизнеске азаматтық қоғамды, жергілікті атқарушы органдарды «жасыл» экономиканың жүзеге асуына белсенді араласуына үндейді», - деді «Education Invest» қорының төрағасы М. Әбішева.
