• Басты
  • Алматыда 24 мың оқушыға тұңғыш рет алғашқы қоңырау соғылды

Алматыда 24 мың оқушыға тұңғыш рет алғашқы қоңырау соғылды

2 Қыркүйек, 2014 11:14
Алматы мектептерінде Білім күні мерекеленді. Қала әкімі Ахметжан Есімов жаңа Наурызбай ауданында орналасқан Р.Сәрсенбин атындағы №192 мектептің салтанатты шарасына қатысты, деп қала әкімдігінде хабарлады.

Шаһар басшысы биылғы жылы Алматы мектептерінде 188 мыңнан астам оқушы білім алатынын тілге тиек етті, оның ішінде 24 мың бүлдіршін бірінші сынып оқушысы атанды. Алматы шекарасы 23,2 мың Га-ға ұлғайғандықтан, қала балансына 15 мектеп қосылды. Жалпы шаһар көлемінде 201 мемлекеттік мектеп қызмет етуде.

«Қала аумағына өткен барлық 15 мектепке жаңа оқу жылына дайындалуы үшін, әрқасысына 3 млн. теңгеден бөлдік. Білім деңгейін жақсарту мақсатында, бұдан кейін де материалды-техникалық жабдықтауға тиісінше көңіл бөлмекпіз», - деді Ахметжан Есімов.

Қала басшысы Білім беруді дамыту жылы аясында Алматыда жаңа мектептер салынып, техникалық жабдықтау жаңартылғанын, жас ұрпақтың жоғары деңгейдегі білім алуы үшін қажетті жағдай жасалып жатқанына тоқталды. Одан өзге, тамыз кеңесінде Алматылық 1000 ұстаздың әрқайсысына 300 мың теңгеден сыйақы тағайындалғанын айтып өтті.

 

Барлық жаңалықтар