Қарағанды облысында биыл 19,5 мың бала мектепке барды – әкімдік

Бүгінгі күні Қарағанды облысында 532 жалпы білім беретін мектеп бар. Онда 171 мыңнан астам оқушы білім алуда, деп облыс әкімдігінде хабарлады.

Алдымен облыс әкімі Президент залын және оқушылар әзірлеген көрмені тамашалады. Мектеп-лицейдің түлектерімен кездесіп, әңгімелесті. 

«Өздеріңізге белгілі, Елбасымыз Нұрсұлтан Әбішұлы Назарбаевтың тұрақты қамқорлығының арқасында елімізде оқушылардың сапалы білім алулары үшін барлық жағдайлар жасалып отыр. Облысымызда да замануаи білім жүйесі әзірленіп, нақты шаралар жүзеге асырылуда,- деді Н.Әбдібеков салтанатты жиын ашылуында. 

№ 101 мектеп-лицейі облыстағы үздік білім ошақтырының бестігіне енеді. Ағымдағы жылы Ұлттық біріңғай тестілеу қорытындысы бойынша орташа көрсеткіші 102,2 баллды құрады. Сондай-ақ мектеп «Білім беру технопаркі» қазақстандық жобасының толыққанды қатысушысы болып саналады. 

« Әрине, білім күні тек оқушылардың ғана емес, сонымен бірге жас ұрпақты білім шыңына жетелейтін ұстаздар қауымының да төл мерекесі. Себебі, мұғалім – барлық білім беру жүйесінің жүрегі. Ендеше, құрметті ұстаздар, ата-аналар, қымбатты оқушылар, баршаңызды айтулы мереке – Білім күнімен, жаңа оқу жылының басталуымен шын жүректен құттықтаймын!»,-деп аймақ басшысы жылы лебізін жеткізді. 

Мерекелік шара соңында Нұрмұхамбет Әбдібеков мектеп-лицейге көпфункционалды хоккей кортының сертификатын табыс етті.