Жамбыл облысының әкімі Мерке ауданындағы әлеуметтік нысандар құрылысымен танысты

К.Көкірекбаев Ақтоған ауылындағы жаңа дәрігерлік амбулатория құрылысы мен Мәдениет үйінің жөндеу жұмыстарымен танысты. Мұнда дәрігерлік амбулатория құрылысына 79 млн теңге, ал мәдениет үйін күрделі жөндеуден өткізуге 73 млн теңге бөлінген.

Сонымен қатар облыс әкімі Ақермен ауылындағы 300 орындық жаңа мектеп құрылысы барысымен танысты. Осынау білім беру нысанын салу үшін мемлекеттің 717,7 млн теңге бөлгені анық. Жаңа мектеп келер жылы пайдалануға берілмек.

Өңір басшысы Мерке ауданының ірі кәсіпкерліктері «Мерке ірімшік зауыты» ЖШС, «Мерке тұқымдық зауыты» АҚ, «Алконищепром» ЖШС мен «Сыпатай батыр» ЖШС жұмысымен танысты. Олар қазіргі таңда өндіріске замануи технологияларды көптеп тартуда.

Талдыбұлақ ауылындағы сумен қамту жүйесі де облыс әкімінің назарынан тыс қалған жоқ. Мұнда 19,2 шақырымдық құбырды жөндеуге 129,5 млн теңге бөлінгенн нысан биылғы жылдың шілдесінде пайдалануға берілді.