«Самұрық-Қазына» қоры Алматы қаласы жанындағы пәтерлердің сатылымын жариялайды
1 Қыркүйек, 2014 10:27
«Самұрық-Қазына» жылжымайтын мүлік қоры» АҚ «Қолжетімді баспана-2020» бағдарламасы аясында кейін сатып алатын жалға беру тетігі арқылы Алматы жанындағы «Асыл Арман» ТК пәтерлерінің сатылымының басталғанын жариялайды.
«Пәтерді сатып алуға өтініштер Алматы облысы Қарасай ауданында үйі жоқ немесе үй жағдайын жақсартуға мұқтаж адамдардан www.fnsk.kz. сайты арқылы қабылданады», - делінген хабарламада.
Сатылатын нысандардың жалпы саны — 779 пәтер.
Айта кету керек, «Қолжетімді баспана-2020» бағдарламасы бойынша пәтер алуға мүдделі барлық адамдардың www.fnsk.kz. сайтына тіркелуі қажет. Өтініштерді қабылдаудың күні мен уақыты 2014 жылдың 29 қыркүйегінде сағат 10:00-ден басталып, 2014 жыл 14 қазан күні сағат 10:00-де аяқталады.
Осы орайда кезек автоматты түрде өтініштің түсу уақытына қарай құрылады. Ал өтініш белгілі бір пәтер түріне қарай түседі. Өтінішті бергеннен кейін пәтер түрін өзгерту мүмкін емес.
