• Главная
  • ҚР Ата Заңы күніне арналған ұлттық спорт түрлерінің жарысы басталды
29 августа, 2014 11:48

ҚР Ата Заңы күніне арналған ұлттық спорт түрлерінің жарысы басталды

Алматы облысы Жамбыл ауданындағы «Көкбастау» ипподромында Конституция күніне орай Президент Кубогына ұлттық ат спорты түрлерінен жарыс басталды, деп облыстың әкімдігінде хабарлады.
ҚР Ата Заңы күніне арналған  ұлттық спорт түрлерінің жарысы басталды

Ән-шашумен басталған шарада облыс әкімі Амандық Баталов құттықтау сөз сөйлеп, қатысушыларға сәттілік тіледі.

« Облыс басшысының айтуынша, биылғы жылы өңірде ұлттық ат спорты түрлерін дамытуға  жергілікті бюджеттен 43,8 млн. теңге бөлінген», - делінген хабарламада.

Еліміздің түкпір-түкпірінен жиналған тұлпарлар 11 шақырымдық құнан бәйге, 9 шақырымға жорға жарыс, 16 шақырымдық топ бәйге, 25 шақырымға аламан бәйгеде бақ сынасты. Сонымен қатар қыз қуу, аударыспақ,  теңге ілу ойындары да жарыстың көрігін қыздырды.

Жарыс қорытындысы бойынша жеңімпаздарға 7 автокөлік, ақшалай сыйлықтар мен диломдар беріледі.