• Басты
  • «МедРемЗавод» ЖШС жетістік тарихы (ФОТО)
19 Тамыз, 2013 00:00

«МедРемЗавод» ЖШС жетістік тарихы (ФОТО)

«Бизнестің жол картасы 2020» (БЖК) мемлекеттік бағдарламасының іске қосылғанына бірнеше жыл болды. Бағдарлама үш жылдың ішінде өзінің жемісті нәтижесін көрсетіп келеді. БЖК-2020 қатысушыларының бірі – «МедРемЗавод» компаниялар тобының құрамына кіретін «МедАспапОптика» ЖШС. Компания көзәйнек линзаларын өндірумен айналысады. «Стратегия 2050» ресми сайтын өзінің жетістік тарихымен «МедРемЗавод» компаниялар тобының бас директоры Арыстанбек Жұмағұлов таныстырды.
«МедРемЗавод» ЖШС жетістік тарихы (ФОТО)

«МедРемЗавод» ЖШС директоры Арыстанбек Жұмағұлов әңгімелегендей, «Бизнестің жол картасы – 2020» бағдарламасына қатыса отырып, зауыттың екінші тынысы ашылғандай болды. Сапарсы аса жоғары неміс құрал-жабдықтары 15-20 минуттың ішінде қарапайым линза дайындап, оны антибактериялық қабатпен қаптайды, сондай-ақ бірнеше түске: көгілдір, көк және жасылға бояп шығарады.

«МедРемЗавод» ЖШС-ында өзіне қажетті тауарды кез келген адам өзінің қалауына қарай ыңғайлап сатып ала алады. Арыстанбек Жұмағұлов кішкентай креативті тұтынушыларын да назарсыз қалдырмаған. Дүкен-зауытта «Балапан» оптика салоны бар, онда кішкентай балақайларға арналған көзәйнектердің түр-түрін табуға болады. Компания директорының айтуынша, көзілдірік киген балаларды мектепте немесе араласатын ортасында сөзге қалдырып, мазақ қылатыны жасырын емес. «Алайда, ол жағдайды оп-оңай өзгертуге болады. Қазір балаларға арналған көзілдіріктер жақтауын анимациялық кейіпкерлердің бейнесімен әрлеп, тартымды етіп шығаруға мол мүмкіндік бар. Мұндай әдіс балалардың көзілдірік киюге деген көзқарасын өзгертетіні анық. Алайда басқа бәсекелестерім де бұл әдісті қолданып жатса,мен қарсы болмаймын, себебі бәрі кішкентай тұтынушыларымыздың ыңғайлылығы үшін», - деді Арыстанбек Жұмағұлов.

«Даму» кәсіпкерлікті қолдау қорының субсидиялауы арқылы бөлінген 70 млн теңгеден астам қаражатқа сатып алынған жаңа техника «МедРемЗавод» компаниясының қолын ұзартып, қысқа уақыттың ішінде ең күрделі деген линзаларды әзірлеуге мүмкіндік беріп отыр. «Бұрындары мұндай лизналарды жерлестеріміз кем дегенде 20 күн күтіп жүретін. Елестетіп көріңізші, көзі нашар көретін адам байқаусызда көзілдірігін сындырып алса, қанша уақыт қиналып күтіп жүруге тура келеді!», - дейді компания басшысы. Алдағы уақытта ең күрделі деген линзалардың өзі рекордтық қысқа уақытта – 2 сағатта әзірленетін болады. Яғни клиент қажетті тауарына тапсырыс беріп, бір-екі сағат қыдырып келгеннен кейін «МедОптика» салонынан өз тауарын алып кете алады. Осындай мүмкіндікке біз «Бизнестің жол картасы – 2020» бағдарламасына қатысқаннан кейін қол жеткізіп отырмыз», - деп қорытты А.Жұмағұлов. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды