Алматы облысында 1 қыркүйек күні 12 жаңа мектеп ашылады
28 Тамыз, 2014 19:03
1 қыркүйекте Алматы облысында 12 жаңа мектеп пайдалануға беріледі. Соның 6-уының есебінен апатты және үш ауысымды мектептер саны азаятын болады, деп облыс әкімдігінде хабарлады.
Облыстық білім басқармасы басшысының міндетін атқарушы Майгүл Омаровның айтуынша, жалпы облыста 729 мектеп бар. Білім саласына биылғы жылы 105 млрд. теңгеден астам қаржы бөлінген.
Жылдан жылға жергілікті бюджет есебінен салынатын жаңа мектептердің саны артып, материалдық-техникалық базасы нығайып келеді. Осының нәтижесінде апатты және үш ауысымды мектептер мәселесін кезең-кезеңімен 2016 жылға дейін шешу жоспарланған.
