«Самұрық-Қазына» жылжымайтын мүлік қоры Таразда пәтерлерді өткізу басталатыны туралы хабарлады

Пәтерлер бір шаршы метр үшін 144 мың теңге бекітілген баға бойынша сату арқылы «Тараз қаласы Маяковский көшесі, 42 мекенжайында орналасқан 25 пәтерлі екі тұрғын үй» кешенінен беріледі. 2 және 3 бөлмелі 35 пәтер сатуға қойылған, деп қорда хабарлады.    

Сатып алу арқылы пәтер алу туралы өтінімдерді «Самұрық-Қазына» жылжымайтын мүлік қоры» АҚ 21 қыркүйекте сағ.10.00-ден бастап 6 қазан сағ.10.00-ге дейін (Астана уақыты бойынша) ішкі ережелерге сәйкес қабылдайды. «Қолжетімді баспана – 2020» бағдарламасына Тараз қаласында тұрғын үйі жоқ немесе тұрғын үй жағдайын жақсартқысы келетін адамдар қатыса алады. Аталған тұрғынжайларды екінші деңгейдегі банктерден кредитке алуға болады.

Өтінім беру үшін www.fnsk.kz сайтына тіркелу қажет. Тіркелуді өтінім қабылдау басталғанға дейін жасап қойған жөн, себебі сайтқа тіркелу үшін электрондық-сандық қол қажет. Тіркелу және өтінім беру жөніндегі нұсқаулықты www.fnsk.kz сайтынан оқи аласыздар.

«Тараз қаласы Маяковский көшесі, 42 мекенжайында орналасқан 25 пәтерлі екі тұрғын үй» ТК Тараз қаласының орталық бөлігінде орналасқан. Пәтерлердің жоспары және тұрғын үй кешенінің орналасқан жері туралы толығырақ «Самұрық-Қазына» жылжымайтын мүлік қорының www.fnsk.kz сайтынан біле аласыздар.Жариялылық және ашықтық тұрғынжайларды өткізудің жаңа тәртібінің негізін құрайды және пәтерлерді бөлу тәртібі сияқты осындай күрделі әрі жауапты істің мейлінше шынайылығын қамтамасыз етеді», - деп атап өтті Ә.Көшеров.