ШҚО-ның Глубоковский аудандық ауруханасында тұрғындарды 10 дәрігер қабылдайды
26 Тамыз, 2014 18:21
2013 жылдан бастап 17 дәрігер Глубоковский ауылына келген оның 10-ы жаңа аудандық орталық ауруханада жұмыс істейді, деп ШҚО ақпараттық орталығы хабарлады.
Жалпы ауруханада 190 медициналық қызметкер бар, жаңа қызметкерлер көпсалалы аурухана кешені қолданысқа енгеннен кейін жұмысқа қабылданды.
«Біз жұбайымыз екеуіміз осы ауылға «Дипломмен ауылға!» бағдарламасы арқылы келдік. Менің туған қалам – Талдықорған, ал жұбайым Үржар ауданынан, білімі-окулист. Семей мемлекеттік медицина университетінде бізге Глубоковское ауданында жаңа аурухана салынып жатқандығы туралы айтты. Осы өңірге келіп, жұмысқа орналастық. Жаңа үйден 3 бөлмелі пәтер алдық», - деді анестезиолог-реаниматолог дәрігер Арман Қазмағамбетов.
Айта кетерлігі, 2013-2014 жылдары Глубоковский ауданында 5 дәрігерлік амбулатория салынды. 2 жыл ішінде аталмыш аурухана санитарлық автокөліктің 6 бірлігімен толықты.
