Музей форумы Қазақстанның барлық өңірінен теңдессіз жәдігерлер жинады
Форум қонақтары түрлі қалалардың музей қорларының мақтанышы болатын бірегей экспонаттармен танысып қана қоймай, сонымен қатар театрландырылған қойылымды тамашалап, шараның интерактивті бөлімінің қатысушысы атанды. Мысалға, онда энеолит дәурінің тас құралдарын пайдалану әдісінен хабар беретін қойылымдар қойылып, Астана суретшілері өз өнерлерін паш етсе, музей ісі мамандарына арналған шеберлік сабақтары ұйымдастырылды.
«Музей форумы – көрме қызметтері әріптестіктерінің қорытындысынан хабар беретін облыстық шағын-композициялар орталықтарының таныстырған 6 көрме жобасының бастамаларының өзіндік деңгейдегі берген есебі іспеттес. Әсіресе, отандық және шетелдік әріптестер арасында «Мәдениет арқылы диалог» жобасы үлкен қызығушылық тудырып отыр. Онда халықтар мәдениеті жан-жақты таныстырылған. Атап айтар болсақ олар Жапония, Үндістан, Германия, Ресей елдерінің мәдениеттерін топтастырған көрме нысандары болып табылады», - дейді Тұңғыш Президент музейінің директоры орынбасары, тарих ғылымдарының кандидаты Ботакөз Қайыпова.
Айта кету керек, форумның мақсаты Қазақстанның Тұңғыш Президенті музейінің көрме, әріптестік және әдістемелік қызметтері арқылы елдің музей қызмттерінің көшбасшысы ретінде музейаралық байланыста жеткен жетістіктерін насихаттау.
Шараға әріптес музейлер қызметкерлері қатысты. Атап айтар болсақ, олар дипломатиялық өкілдіктер, өңірлік музейлер мен Астана және Қазақстанның түкпір-түкпірінен жиналған өңірлік музейлер. Аталмыш форум әр музей қызметін тереңінен таныстыруға таптырмас мүмкіндік бермек.
Индира Қауметова
