Ақтөбе облысы халқының 91,3%-ы жыл соңына дейін құбыр суымен қамтамасыз етілетін болады
25 Тамыз, 2014 19:47
Ақтөбе облысында «Ақ бұлақ» бағдарламасы бойынша биыл жалпы құны 6 млрд теңгеге 17 елді мекеннің су құбыры желілерінің құрылысы мен қалпына келтіру жұмыстары жүргізіледі, деп хабарлайды облыс әкімдігі.
Құрылыс пен қайта қалпына келтіру жұмыстары жыл соңына дейін облыс халқының 91,3%-ын орталық су құбырымен қамтамасыз етуіне мүмкіндік бермек.
Қазіргі таңда Ақтөбе облысында халықтың 90,5%-ы орталық су құбырын пайдалануда.
