Алматы облысының Кеген ауылында тарихи-өлкетану мұражайы ашылды
25 Тамыз, 2014 19:29
Райымбек ауданы Кеген ауылында тарихи-өлкетану мұражайы ашылды.Аталған ғимараттың құрылыс және безендіру жұмыстарына жергілікті бюджеттен 266 млн. теңге қаржы бөлінді, деп облыс әкімдігінде хабарлады.
Көлемі – 1082 шаршы метр, жалпы алаңы – 1688 гектар болатын ғимараттың 4 экспозициялық: табиғат, көне тарих, кеңес дәуірі, тәуелсіздік залдары бар.Ондағы экспонат саны – 2015.
«Сіздерді бүгінгі Кеген ауылындағы тарихи-өлкетану музейінің ашылуымен құттықтаймын. Жетісу жері - тарихи құндылықтарға бай өлке. Кегенде ашылған бұл мұражай осы өңірдің өнегелі өткені туралы тереңнен сыр шертеді деп сенеміз», - деді Алматы облысы әкімінің орынбасары Серік Мұқанов.
