ШҚО-дағы жәрмеңкеде 20 млн теңгенің тауары сатылды
25 Тамыз, 2014 18:23
ШҚО-дағы дәстүрлі ауыл шаруашылығы өнімдерінің жәрмеңкесінде фермерлер 20 млн теңгенің тауарын саудалады, деп хабарлайды ШҚО ақпараттық орталығы.
Облыс орталығындағы жәрмеңкеге 27 ауылдық округ пен Үржар ауданы 55 ауылының фермерлері өз өнімдерін алып келді. Олар мұнда шамамен 15 тонна ет пен 60 тонна жеміс-жидек көкөніс жеткізген.
Сонымен қатар, үржарлықтар палау, қымыз және өзге де ұлттық тағам түрлерін дайындап, 400-ден астам адамға тегін дастархан жайды.
«Белсенділерге арналған спорттық алаң ұйымдастырылып, 8 спорт түрі бойынша сайыс өтті. Ал суырып салма өнері майталмандарының шығармаларынан кейін мерекелік шара «Туған ел – алтын бесігім» гала-концертімен жалғасын тапты. Көрермендер назарына түрлі өнер туындылары ұсынылды», - делінген хабарламада.
