Көкшетаудағы мектеп жәрмеңкесінде әлеуметтік аз қамтылған отбасының 30 баласы сыйлыққа ие болды
25 Тамыз, 2014 09:51
Көкшетау қаласында «Мектепке жол» акциясы аясында мектеп жәрмеңкесі өтті, деп хабарлайды Ақмола облысының әкімдігі.
Жаңа оқу жылы қарсаңында облыс орталық тұрғындары қалам мен дәптерден бастап мектеп формалары мен аяқ киім және сөмкеге дейінгі қажетті құрал-жабдықтарды нарық бағасынан 10-15 пайыз арзан бағамен сатып алды.
Жәрмеңкеге қаланың 15-тен астам кәсіпкері ат салысты. Сонымен қатар, аталмыш бастаманы департамент пен басқарма жетекшілері де қолдады. Шара барысында әлеуметітк аз қамтылған отбасының 30-дан астам баласы сыйлықтар алды.
