Ақтас ауылының тұрғындарына ҚР Президенті Жолдауының негізгі ережелері түсіндірілді

24 Тамыз, 2014 12:07

Қарағанды облысы әділет департаментінің ақпараттық-насихаттау тобы Қазақстан Республикасы Президенті - Елбасы Нұрсұлтан Назарбаевтың «Қазақстан жолы - 2050: Бір мақсат, бір мүдде, бір болашақ» атты Қазақстан халқына арналған Жолдауының негізгі ережелерін түсіндіру жұмыстарын жүргізді, деп облыстың әділет департаменті хабарлады.

Кездесу барысында ақпараттық-насихаттау тобымен Елбасы белгілеген стратегиялық құжаттың басымдықтары және ауқымды міндеттерді жүзеге асыру жолдары жария етілді. Сонымен қатар бөлімдер басшыларымен әділет департаментінің қызметі толық жария етілді және әділет органдарының қызметін реттейтін, заңнамаға енгізілген өзгерістер мен толықтырулар бойынша, атап айтқанда жылжымайтын мүлікке құқықтарды, заңды тұлғаларды, азаматтық хал-актілерін тіркеу кезінде мемлекеттік қызмет көрсету кезінде рәсімдерді қысқарту бойынша түсініктемелер берілді.

Бұдан басқа, ҚР «Қазақстан Республикасының азаматтарына, оралмандарға және Қазақстан Республикасында тұруға ықтиярхаты бар адамдарға олардың мүлікті жария етуіне байланысты рақымшылық жасау туралы» Заңының негізгі ережелері түсіндірілді.

Барлық жаңалықтар