«Астана Опера» әлемдік турнеге аттанады
22 Тамыз, 2014 18:46
АҚШ, Канада, Франция, Бельгия, Нидерландтар елі «Астана Операны» күтуде! Астаналық труппа Әлемдік турнеге аттанады. Шетелдік көрерменге театрдың опералық репертуарынан ең «мықты» номерлер ұсынылады.
«Астана Опера» театрының директоры Төлеген Мұхамеджанов, «Астана Опера» театрының труппасы өте жауапты гастрольге жол тартатынын атап өтті, деп театрдың баспасөз қызметі хабарлады.
«Бізге өз күшімізді көрсетуге тура келеді, осы орайда жаңа көрерменнің арасынан репертуары ең талғампаз деген көрерменді таң қалдыратын біздің ерекше де, әсем театрымызға келуге қызығушылық танытатын табынушыларға қол жеткіземіз деп үміттенеміз, сондай-ақ сыншылардың лайықты бағасына ие боламыз деген үмітіміз бар. Бұл гастрольге еуропалық және қазақтың ұлттық классикасын, орыс музыкасын, 20 ғасыр музыкасы мен америкалық музыканы алып барамыз», - дейді Төлеген Мұхамеджанов.
