Ақмола облысында «Кедергісіз келешек» жобасы аясында 574 адам жұмысқа орналасты

20 Тамыз, 2014 18:54

Ақмола облысында «Кедергісіз келешек» жобасының шеңберінде 574 адам жұмысқа орналасты, деп «Нұр Отан» партиясының баспасөз қызметі хабарлады.

Мүмкіндігі шектеулі жандарға арналған «кедергісіз орта» мониторингін жүргізуге байланысты қоғамдық кеңес құрылды.

««Ардагерлерді ардақтайық» арнайы партиялық жобасы шеңберінде Ұлы Отан соғысының 201 ардагері сұралып, әлеуметтік карта жасалды. Ұлы Отан соғысының 62 ардагерінің артынан партияның еріктілері бекітілді.

«Мықты бизнес – Қуатты мемлекет» - жыл басынан бері облыста шағын және орта бизнеске байланысты 38 шара өтті, онда 324 әлеуетті кәсіпкер қатысты.

«STOP-қылмыс» жобасы шеңберінде «Таза сессия», «Қауіпсіз аула» және басқа республикалық шаралар өтті.

«Біздің ауыл» жобасы бойынша 1362 акция мен сенбілік өтті, 596 стихиялық қоқыс орны жойылды, 49 мың ағаш егілді, 554 әлеуметтік нысан жөнделді, 94 балалар мен спорттық аула алаңдары салынды және т.б. жұмыстар жасалды.

Жыл басынан бері «Сәтті қадам» жобасы бойынша 60 өтініш түсті, олардың 8 комиссия жобаға қатыстыруға іріктеп алды; жобаның үш қатысушысы жұмысқа орналасты.

«Жастар кадрлық резерві» жобасының өткен жылғы іріктеуінің нәтижесі бойынша 256 конкурсқа қатысушының ішінен – үшеуі республикалық резервке алынды.

«Жастар –Отанға» жобасының шеңберінде 248 азамат кеңес сұрап келді.