Ақмола облысында сыбайлас жемқорлыққа қарсы іс-қимыл бағдарламасы талқыланды

Бүгінге күнге дейін сарапшылар қауымдастығы мен интернет-пайдаланушылардан бағдарлама мәтініне орай 700-ге жуық ұсыныстар мен толықтырулар түсті.

«Конференция барысында қатысушылар тарапынан құқық негізі мен қосымша факультативтік сабақтар пәндеріндегі оқу процесіне сыбайлас жемқорлыққа қарсы іс-қимылды қалыптастыру мәселесін зерттеуді енгізуді бағдарлама жобасында қарастыру ұсынылды. Сондай-ақ партия мүшелерінің этикалық үлгісінің ережелерін әзірлеу, әлеуметтік-маңызды мемлекеттік бағдарламаларды іске асырғанда қоғамдық тыңдаулар өткізу, сонымен бірге сыбайлас жемқорлық қылмысына байланысты мерзімнің өтіп кетуінің күшін жою сияқты ұсыныстар түсті», - делінген хабарламада.

Партия активінің алдында сөз сөйлеген Төрағаның бірінші орынбасары Б.Байбек барлық күш-жігердің келесі мәселелерді шешуге: аймақтардағы партия қызметін күшейтуге, мемлекеттік органдар қызметінің тиімділігіне бақылаудың әрекеттілігін арттыруға, қоғам мен биліктің кері байланысын арттыруға, үкіметтік емес ұйымдармен жүйелі қарым-қатынас орнатуға, жастармен жұмыс жандандыруға жұмылдырылатынын атап өтті. Сонымен қатар, партияның өз қызметінің ашықтығы мен жұмысының тиімділігін арттыруға зор көңіл бөлінбекші.