Балаларды жолда қорғап қалудың тәсілі ата-аналарға көрсетілді

« «Абайла, балақай!» акциясы шеңберінде астаналық жол патрульдік қызметкерлері балаларды көлікпен тасымалдауда оларды ұстап отыратын арнайы орындықтарды пайдалануға шақыратын «Балаларға - көлік орындықтары!» атты игі шарасын өткізді. Шара мақсаты балалардың жол көлік оқиғасынан зардап шегуін алдын алу. Жалпы, жыл басынан бері 60 ЖКО тіркеліп, оның 59 балалар түрлі жарақат алған, ал бір бала көз жұмды. Алдағы оқу жылы қарсаңында біз ата-аналарды өз балаларын көлікпен тасымалдау барысында арнайы орындықты пайдалануға шақырамыз», - деп түсіндірді Астана қаласы ІІД полиция әкімшілігі басқармасының аға инспекторы Лариса Красникова.

Акцияға қатысушылар мектептің төменгі сынып оқушыларымен бірге ата-аналарында қаладағы сауда орталықтарының бірінің алдында балаларға арналған орындықтарды пайдалану жөніндегі дайындалған тақырыптық буклеттерді таратты.

Сонымен, қаламыздың автодүкендерінің өкілдері 7 жастан 12 жасқа дейінгі балаларға арналған  2 және 3 топ көлік орындықтарын және оны қалай көлікке дұрыс орнату керектігін көрсетті.

Естріңізге сала кетейік, елордада 15 тамыздан бастап 30 тамыз аралығында «Абайла, балақай!» атты жедел алдын алу іс-шаралары өтіп жатыр.

Индира Кауметова