Елші М.Тәжин Россотрудничество басшысымен Қазақстандағы бірлескен жобаларды талқылады
Кездесу барысында К.Косачев Елшіге Агенттіктің қызметі және алдына қойған жаңа тапсырмалары туралы жәнеең негізгісі болып табылатын «шетелдегі әр отандаспен жеке жұмыс істеу, олардың мәдени-гуманитарлық қажеттіліктерін қанағаттандыру» мәселелері жайлы баяндады.
М.Тәжин, өз кезегінде, Агенттік Ресейдің бай мәдени мұрасын шетелде насихаттау бойынша, жалпы гуманитарлық ынтымақтастық саласында әлемнің түкпір-түкпірінде атқарып жатқан белсенді жұмысын атап өтті.
Екі тарап еліміздегі орыс тілінің жағдайын талқыға салып, орыс тілі мемлекет жағынан қолдау тауып отырғанын, қоғам оны аса қажет ететінін, қазақ тілімен бірдей кеңінен қолданылып жатқанын, және де «сыртынан» тиісті қорғау іс-шараларын талап етпейтінін растады.
Сол себепті орыс тілін оқыту жүйесін жетілдіру, қазақстандық мамандарға лингвистикалық машықтану сабақтарын, Ресейдің жетекші театрлар гастрольдерін менфестивальдарын өткізу және дәстүрлі Орыс тілі мен әдебиеті күндерін ұйымдастыру саласында «Россотрудничество» іске асырып жатқан жобалары Қазақстан мен Ресейдің біртұтас мәдени-гуманитарлық кеңістігін құруға маңызды үлес қосады.
М.Тәжиннің айтуы бойынша, «Россотрудничествоның» алдында тұрған тапсырмалар - «ол болашақ ықпалдастық үдерісіне негіз салатын мәдени-рухани сипаты бар мәселелер...... Аумақтарымыздың өркениеттік бірлестігі, мәдени құндылықтарымыздың бірыңғай жүйесі осы жұмысты маңызды мазмұнмен толықтыруға мүмкіндік беруде".
Осы тұрғыда, ҚР Елшісі биыл күзде Мәскеуде жоспарланғанқазақстандықжәне ресейлік жазушыларының кездесуі, Дмитрий Лихачев, Лев Гумилев, қытайтанушы Василий Алексеев секілді атақты ресейлік авторлардың мәдени шығармаларын қазақ тіліне аудару мақсатты бағдарламасын іске асыру тәрізді іс-шаралар жоғарыда айтылған болашақ бірлескен жұмыстың нақты тәжірибесіне айналуы мүмкін деген пікір-ой білдірді. Әңгімелесу барысында Эрмитаж, Третьяковская галерея секілді ірі ресейлік мұражайлардың Қазақстанда, әсіресе Астанадағы жаңа Ұлттық мұражайында дағдылы түрде көрмелерін ұйымдастыру мәселесі талқыланды.
