• Басты
  • Жыл басынан бері Қазақстан халқының саны 124,1 мың адамға көбейді – Статагенттігі
15 Тамыз, 2014 17:06

Жыл басынан бері Қазақстан халқының саны 124,1 мың адамға көбейді – Статагенттігі

2014 жылғы қаңтар-маусымда жалпы елімізде халық саны 124,1 мың адамға немесе 0,7% өсті, 2013 жылғы 1 шілдемен салыстырғанда халық саны 256,3 мың адамға немесе 1,5% өсті, деп ҚР Статистика агенттігінде хабарлады.
Жыл басынан бері Қазақстан халқының саны 124,1 мың адамға көбейді – Статагенттігі

2014 жылдың  1 шілдеге еліміздегі халық саны 17 284,9 мың адамды құрады, соның ішінде қалалықтар – 9 523,1 мың (55,1%), ауылдықтар – 7 761,8 мың адамды (44,9%) құрады.

АХАТ органдары ұсынған азаматтық хал актілері жазбаларын өңдеу нәтижесінде, 2014ж. қаңтар-маусымда  туылғандар саны 193,3 (188,6)  мың адамды құрап, 2013 жылғы қаңтар-маусымға қарағанда 4,7 мың адамға немесе 2,5% артты. Туудың жалпы коэффициенті 1000 адамға 22,55 (22,34) туылғандарды құрады.

Қарастырылып отырған кезеңде қайтыс болғандар саны 66,9 (70,4) мың адамды құрап, 2013ж. қаңтар-маусымға қарағанда 3,5 мың адамға немесе 5% азайды. Өлім-жітімнің жалпы коэффициенті 1000 адамға 7,80 (8,34) қайтыс болғандарды құрады.

2014ж. қаңтар-маусымда республика халқының табиғи өсімі 2013ж. қаңтар-маусыммен салыстырғанда 8,2 мың адамға немесе 6,9% артып, 126,4 (118,2) мың адамды құрады.  Табиғи өсімнің жалпы коэффициенті 1000 адамға шаққанда 14,75 (14,00) адамды құрады.

 

 

Барлық жаңалықтар