Өскеменде таңертеңгілік жаттығуды 2 мыңнан астам адам жасады
15 Тамыз, 2014 15:18
Спорт күні қарсаңындаӨскеменде 2 мыңнан астам адам «Салауатты ұлт – саламатты ұрпақ!» акциясына қатысты, деп ШҚО ақпараттық орталығы хабарлады.
Шараға спортшылар, спорт ардагерлері, балалар, жастар, жұмысшылар, мемлекеттік қызметкерлер, банк қызметкерлері, т.б. қатысты.
Қала әкімінің орынбасары Бұлбұл Бакинова қалалықтарды күнделікті таңды жаттығумен бастап, салауатты өмір салтын ұстанып, бар-күш қуатын еліміздің өркендеуіне жұмсауды тіледі.
Бүгін біз барша өркениетті елдер сияқты күнімізді таңертеңгілік жаттығудан бастап отырмыз. Баршаңызды спортпен айналысуға шақырамын! Спорт күні құтты болсын, - деді Бұлбұл Бакинова.
Акция барысында қатысушылар фитнес жаттығулар жинағын орындап, черлидерлермен бірге би билейді.
