ЖҚЖК аясында қыркүйекте Аршалы ауданының Жастар орталығы іске қосылады

90-шы жылдары бұл мекеме сауда орталығы болған, қазір ЖҚЖК аясында қайта жаңғыртылуда.

«Жұмыспен қамтудың жол картасы-2020» бағдарламасы аясында Аршалы ауылында Жастар орталығының жөндеу жұмыстары жүруде. Жоба 37 млн 472 мың теңгеге қарастырылған, 20 жұмыс орны ашылды. Ішкі жөндеу жұмыстары жасалуда. Жөндеу жұмыстары шілде айында басталды, 15 қыркүйек күні аяқталады», - деді Б. Сыздықова.

Ол атап өткендей, орталықта мәдени және шығармашылық үйірмелер ашылатын болады.

«Аталмыш Жастар орталығында би, вокал үйірмесі, теннис, шахмат үйірмелері ашылады деп жоспарлануда. Сондай-ақ, тақырыптық кештер мен жастарға арналған би кештері өткізіледі. Оның бірінші қабатында көңіл көтеретін ұйірмелер орналасса, екінші қабатында кітапхана орналасатын болады», - деді ол.

Оған қоса, үйірмелердің барлығы тегін ұйымдастырылмақ.

«Жалпы, үйірмелердің барлығы тегін, тек би кеші 250 теңге болуы мүмкін,себебі мәдениет бөлімі бюджетті толықтыруы қажет. Бұл мәдениет нысандарының ішіндегі ең ауқымды жөндеулердің бірі», - деді ол.

Индира Кауметова