Елорданың 82 мың халқына қоғамдық көлікте тегін жүру тәртібі сақталады

15 Тамыз, 2014 15:03

Бұл санаттағы адамдарға соғыс ардагерлері, зейнеткерлер, 1,2,3 топ мүгедектері мен қарулы күштердің зейнеткерлері және көп балалы аналар жатады.

Олардың барлығы үшін Астанадағы қоғамдық көлікте жүру тегін және дәл солай қала береді.

Астана қаласының Жолаушылар көлігі және автомобиль жолдары басқармасы хабарлағандай, Астана қаласында қалалық қоғамдық көліктерде автобустар мен шағын автобустарда (экспресс бағдарлардан өзгесі) жол жүру тарифтері 2014 жылғы 31 тамызынан бастап өзгереді.

Жолақысы ересектер үшін - 90 (тоқсан) теңге, балалар (7 жастан 15 жасқа дейін) үшін - 40 (қырық) теңге. Жалпы айлық, жарты айлық және балалар үшін көп жолғы жол жүру билеттері жарамды.

Естеріңізге сала кетейік, «Астана қаласындағы мұқтаж азаматтардың жекелеген санаттарына әлеуметтік көмек көрсету қағидасы туралы» Астана қаласы мәслихатының 2010 жылғы 13 желтоқсандағы № 410/54-IV шешімімен белгіленген азаматтардың жеңілдік санаты бар жолаушыларды тасымалдау шарттары өзгеріссіз қалады.

Барлық жаңалықтар