Аршалы ауданында ЖҚЖК бойынша жастар тәжірибесіне 40 адам бағытталды

15 Тамыз, 2014 13:12

Аршалы ауданында «Жұмыспен қамтудың жол картасы 2020» бағдарламасы бойынша жұмысқа орналасуға бағытталған жастар тәжірибесіне 40-қа жуық адам бағытталды. Бұл туралы «Жұмыспен қамтудың жол картасы-2020» бағдарламасын жүзеге асыру бойынша Ақмола облысының Аршалы және Целиноград ауданында ұйымдастырылған баспасөз турында Аршалы ауданының жұмыспен қамту орталығы директорының міндетін атқарушы Бақыт Сыздықова мәлімдеді.

«2014 жылы жастар тәжірибесіне 17 адам бағытталды, оның ішінде, қаржыгер, заңгер, экономика, эпидемиолог-дәрігер, медбикелік іс, «ЖҚЖК-2020» бойынша педагогика мамандықтары бар. Жастар тәжірибесі аяқталған соң бұл адамдарды жұмысқа орналастыру міндет болып саналады. Бағдарлама жұмыс істегелі бері тәжірибеден 40 адам өтті. Біз жастар жұмысқа орналаса алатын жерлерге барамыз», - деді ол.

Сондай-ақ, Б. Сыздықова бағдарлама аясында 10 адам мектеп бітірген соң колледжге оқуға бағытталғандығын айтты.

«Сондай-ақ, бағдарлама аясында қайта білім алуға 10 адам жіберілді. Мектеп бітірушілерді біз колледжге жұмысқа орналасуын кепілдендіріп жібереміз», - деді Бақыт Сыздыова.

Оның айтуынша, жастар тәжірибесі 6 айға созылады, жалақы 30 мың теңге, оған зейнетақы қоры мен әлеуметтік төлем қосылады.

Индира Кауметова