• Басты
  • С.Мадеев: Біздің міндет – кадр тапшылығына қатысты проблемаларды азайту

С.Мадеев: Біздің міндет – кадр тапшылығына қатысты проблемаларды азайту

15 Тамыз, 2014 12:56
Біздің міндет – кадр тапшылығына қатысты проблемаларды азайту, бұл туралы ҚР БҒМ кәсіптік және техникалық білім жүйесін жаңғырту департаментінің директоры Сабыржан Мадеев аталмыш білім жүйесін жетілдіруге арналған семинар-кеңесте мәлімдеді.

«2013 жылы еңбек нарығында туған қажеттілік – 175,6 мың адам. Оның ішінде автоматтандыру үрдістерінің арқасында 111,6 мың адамға қысқарды, десек те кадр тапшылығы 64 мың адамды құрап отыр. Оған қоса, біздің жүйе жыл сайын 170-175 мың адамды еңбек нарығына шығарады. Көріп отырғаныңыздай, 100 адам бірден жұмыссыздар қатарына енеді», - деді С. Мадеев.

«Сондықтан да біздің басты міндетіміз, кадр тапшылығына қатысты проблемаларды барынша азайту. Бұл жергілікті жерлерде жұмыс берушілермен белсенді жұмыс жүргізу керектігін байқатады», - деді ол.

Оның айтуынша, департамент колледждердің  материалдық техникалық базасына мониторинг жүргізуде.

«Қалыптастыруға жергілікті кәсіпкерліктер қатысуы керек. Бұл үрдістің барлығы кадр тапшылығын қысқартуға бағытталған», - деді ол.

Мадина Нұрбекова

Барлық жаңалықтар