Көкпекті ауылының тұрғындары жаңа баспанаға ие болады – әкімдік
14 Тамыз, 2014 19:24
Қарағанды облысының әкімі Нұрмұхамбет Әбдібеков апат болған ауылда болып, құрылыс барысымен жан-жақты танысты, деп облыс әкімдігінде хабарлады.
Көкпектіде ағымдағы айдың 15-не дейін бес үй, 20-на дейін 18 үй, 25 тамызға дейін 26 үй пайдалануға беріледі.
Апат болған аймақты қалпына келтіру үшін бағытталған қаржы мәселесі шешілген. Бүгінде құрылыс жұмысына 10 мердігерлік мекеме жұмылдырылып отыр. Соңғы айда жұмысшылар саны 4 есеге ұлғайып, 100 адамнан 400 адамға дейін жеткен.Құрылыс сапасын облыс әкімі тікелей бақылауында ұстап отыр.
«Құрылыс жұмыстары уақытында аяқталып, тұрғындар жаңа үйлеріне жақын уақытта қоныстануы қажет. Құрылыс жұмыстары сапалы болуы тиіс. Барлық жұмыстар менің қатаң бақылауымда болады»,-деді аймақ басшысы.
