• Басты
  • Неміс публицисі Қазақстанның аймақтарын мемлекеттік тілді насихаттау мақсатымен аралайды
14 Тамыз, 2014 18:21

Неміс публицисі Қазақстанның аймақтарын мемлекеттік тілді насихаттау мақсатымен аралайды

Бүгін Қазақстан-Ресей университеті ғимаратында Қазақстан халқы Ассамблеясының «Бейбітшілік және Келісім жол картасы» мега-жобасы аясында «Тіл - халық жанын танудың кілті» атты іс-шара өтті. Ол мемлекеттік тілді насихаттауға арналды және ауқымды шараға Қазақстан Республикасының тумасы, белгілі неміс мәдениеттанушысы, тарихшы-этнографы, публицист және қоғам қайраткері Якоб Фишер қатысты.
Неміс публицисі Қазақстанның аймақтарын  мемлекеттік тілді насихаттау мақсатымен аралайды

««Тіл - халық жанын танудың кілті»  жобасы Қазақстан мен Германия арасындағы серіктестік жоба. Оның аясында Германияның мектептерінде Қазақстан туралы, халқының мәдениеті туралы әңгімелейтін кездесулер өткізіледі», - деп түсіндірді Якоб Фишер.

Якоб Фишер хабарлағандай, ол өткен жылы Алматы, Павлодар, Қостанай, Қарағанды, Теміртау қалаларын аралаған. Ағымдағы жылы Тараз, Петропавл, Шымкент қалаларын аралайтын болады.

«Бір жыл ішінде барлығын қамту мүмкін емес. Келер жылы Атырау, Ақтау, Семей және басқада қалаларға баратын боламыз», - деді ол.

Индира Кауметова

Барлық жаңалықтар