2014 жылы 195 мың тонна сақтау сыйымдылығы бар астық қоймасы іске қосылады – Қ. Айтуғанов
14 Тамыз, 2014 17:31
2014 жылы 195 мың тонна сақтау сыйымдылығы бар астық қоймасы іске қосылады, бұл туралы астық жинау науқанына дайындыққа арналған жиында «ҚазАгро» ҰБХ төрағасының орынбасары Қайрат Айтуғанов мәлімдеді.
«Астық сақтау қоймаларының құрылысы бойынша бүгінгі күні «ҚазАгро» Ұлттық холдингінің қоржынында 19,4 млрд.теңге сомасына 41 жоба бар және жалпы сақтау көлемі 775 600 тоннаны құрайды. 2010 жылдан бері 9,4 млрд.теңгеге 24 жоба пайдалануға берілді және жалпы сақтау көлемі 458 100 тоннаны құрайды», - деді ол.
«2014 жылы 195 000 тонна сақтау сыйымдылығы бар 9 жобаны іске асыру жоспарлануда, соның ішінде ағымдағы жылы 30 000 тоннаға 1 жоба іске қосылды», - деді Қ. Айтуғанов.
Осыған орай жылдың соңына дейін ҚазАгро холдингімен 623 100 тонна сақтау қуаттылықтары пайдалануға беріледі.
Мадина Нұрбекова
