ШҚО-да ауылдық дәрігерлік амбулаторияның құрылысына 77 млн теңгеден астам қаржы жұмсалды
14 Тамыз, 2014 18:57
Бесқарағай ауданының Глуховка ауылында дәрігерлік амбулатория салу үшін және оған жақын аймақты абаттандыру мақсатында облыстық бюджеттен 77 млн теңгеден астам қаржы бөлінді, деп хабарлады ШҚО-ның Ақпараттық орталығы.
Нысанның жалпы ауданы 1 050 кв м. Жаңа нысанда бас дәрігердің кабинеті, дәрігерге дейін бақылау бөлмесі, медициналық мұрағат, физиотерапия сынды бірқатар бөлмелер қарастырылған. Амбулатория орталық жылыту, кәріз, ыстық су және ауызсу жүйелеріне қосылған.
Қазіргі таңда медииналық құрал жабдықтарды орнату жұмыстары аяқталуда.
«Нысанның салтанатты ашылуына Глуховск ауылдық округының тұрғындары жиналды. Олар бұған дейін дәрігерлік бақылауға аудан орталығына баруға мәжбүр болған. Бүгінде жергілікті халық саны 3 мыңға жуық», - делінген хабарламада.
