• Басты
  • Қазақ мәдениетін білуім германиялықтарға қазақ халқының жан дүниесін жеткізуге зор мүмкіндік берді - Я.Фишер
14 Тамыз, 2014 17:07

Қазақ мәдениетін білуім германиялықтарға қазақ халқының жан дүниесін жеткізуге зор мүмкіндік берді - Я.Фишер

Бүгін Қазақстан-Ресей университеті ғимаратында Қазақстан халқы Ассамблеясының «Бейбітшілік және Келісім жол картасы» мега-жобасы аясында «Тіл - халық жанын танудың кілті» атты іс-шара өтті.
Қазақ мәдениетін білуім  германиялықтарға  қазақ халқының жан дүниесін жеткізуге зор мүмкіндік берді - Я.Фишер

Ол мемлекеттік тілді насихаттауға арналды және ауқымды шараға Қазақстан Республикасының тумасы, белгілі неміс мәдениеттанушысы, тарихшы-этнографы, публицист және қоғам қайраткері Якоб Фишер қатысты.

 «Қазақ тілі арқасында қазақ халқының жан-дүниесі мен үшін кеңінен ашылды. Қазақ мәдениетін білуім Германиялық тыңдаушыларға қазақ халқының жан дүниесін, оның салт-дәстүрін жеткізуге зор мүмкіншілік берді», - деді   Я.Фишер.

Ол өзі атап өткендей, тыңдармандар қазіргі тәуелсіз Қазақстанның экономикасы, сыртқы саясаты мен мәдениетіне үлкен қызығушылық танытады.

Айта кетерлік жайт, Якоб Фишер өзінің Қазақстандық іссапарында еліміздің басқа да қалаларын аралап, театралдық, вокалды және би ұжымдарына мастер-класстар өткізеді.

Индира Кауметова

Барлық жаңалықтар