• Басты
  • Алматы облысында жаңа оқу жылында мектеп оқушыларына бал беріле бастайды
14 Тамыз, 2014 14:03

Алматы облысында жаңа оқу жылында мектеп оқушыларына бал беріле бастайды

Биылғы оқу жылынан бастап, Алматы облысының Ақсу, Сарқан, Кербұлақ, Балқаш, Алакөл және Райымбек аудандарындағы оқушылардың күнделікті тағамына қоса, тегін бал берілмек,деп хабарлайды Алматы облысы әкімінің баспасөз қызметі.
Алматы облысында жаңа оқу жылында мектеп оқушыларына бал беріле  бастайды

Бұл - жақында өткен мәслихат сессиясындағы халық қалаулыларының шешімі. Оған жергілікті бюджет қазынасынан қаржысы да бөлініп қойған. Игі іс жаңа оқу жылынан бастап, қолданысқа енгізілгелі тұр. Оқушылардың даму ерекшелігіне байланысты 1 мен 4 сынып аралығында аптаның 5 күнінде бала 10 граммнан тамақтанатын болады. Балдың пайдасы  оқушылардың оқу үлгеріміне  оң әсерін, мидың жақсы жұмыс істеуіне, иммундық қабілетінің артуына септігін тигізеді.

Құрамында Натрий, Калий, Фосфор секілді элементтер кездесетін балдың 70 түрлі адам ағзасына қажетті зат бар.  Орынды әрі мөлшерлі пайдаланса, денсаулықты нығайтудың ең бір керемет жолы осында жатыр.

Балалардың денсаулығын нығайтып, білім деңгейін жақсартуды қолға алып отырған депутаттардың шешімімен  бұл бағытқа 40 млн теңге бөлініп отыр. 

Мамандардың айтуынша, келер жылдары өзге де аудандардағы оқушылардың тамақтану рационына балды қосу мәселесі қарастырылып жатыр.

Барлық жаңалықтар