Өскеменде «Жасыл экономика» және ЭКСПО-2017 көрмесінде әйелдердің үлесі» форумы басталды

Өскемен қаласында ҚР Президенті жанындағы Әйелдер ісі және отбасылық-демографиялық саясат жөніндегі ұлттық комиссия Шығыс Қазақстан облысы әкімшілігі және Қазақстандағы БҰҰ Даму бағдарламасымен бірлесе отырып, тақырыбында форум өтуде, деп облыс әкімдігінде хабарлады.  

Форумның мақсаты-Еуразиялық экономикалық одақ аясында интеграциялық үдерістерді нығайтуға ықпал ету, шекара аралық ынтымақтастықты дамытуда әйелдердің үлесін арттыру, «жасыл экономиканың» басымдықтары мен «ЭКСПО-2017» көрмесі мәселелерін талқыға салу.

«Шара  барысында ҚР Парламенті Мәжілісінің депутаты Майра Айсина лауазымды қызмет атқаратын нәзікжандылардың көшбасшылық қабілетін көтеру мақсатында «Табыс тарихы» шеберлік сыныбын өткізеді»,- делінген хабарламада.

Шара барысында 4 панельдік сессия өтеді.

Сондай-ақ Алматы, Шығыс Қазақстан, Қарағанды және Павлодар облыстарының ауылдық округтеріндегі әйел әкімдер үшін «Ауылдық аумақтардың әлеуметтік-экономикалық дамуы: гендерлік аспект» тақырыбында семинар ұйымдастыру көзделіп отыр.

Форум жұмысына мемлекеттік органдар басшылары, депутаттар, кәсіпкерлер, қазақстандық және ресейлік мемлекеттік емес ұйымдардың басшылары қатыспақ..