Ақмола облыстық сотының төрағасы азаматтарды қабылдады
14 Тамыз, 2014 10:46
Ақмола облыстық сотының төрағасы Әбдіқанов Нұрғазы Әбенұлы азаматтарды жеке қабылдады.Сот төрағасының қабылдауында әр облыс аудандарынан келген азаматтар да болды, деп Жоғарғы сотта хабарлады.
Келгендердің әрқайсысының мәселесі әр түрлі. Кейбір азаматтар соттан, апелляциялық сот сатыларынан өткен. Сот ісін бақылауға алу туралы өтініш білдірген азаматтарға сотта қаралып жатқан істі ешкім және ешқандай орган бақылауға ала алмайтындығы және шешім қабылдауда судьяның тәуелсіз болып табылатындығы түсіндірілді.
«Азаматтардың шағымдарының көбісі қылмыстық және азаматтық істер, тұрғын үй және еңбек құқықтық қатынастары жөніндегі істер туралы болды. Қабылдауға келген азаматтардың барлығының сұрақтарына жауап берілді», - делінген хабарламада.
