• Басты
  • «Сәбимен шаңырақтың сәні кірер» жобасы аясында 15-ші қыркүйекте social camp өтеді
13 Тамыз, 2014 16:41

«Сәбимен шаңырақтың сәні кірер» жобасы аясында 15-ші қыркүйекте social camp өтеді

«Қазақстан 2050» жалпыұлттық қозғалысы «Сәбимен шаңырақтың сәні кірер» жобасы аясында 15 қыркүйекте Астанада social camp өткізеді. Бұл туралы ОКҚ өткен брифингте «Сәбимен шаңырақтың сәні кірер» жобасының үйлестірушісі Шолпан Байболова хабарлады.
«Сәбимен шаңырақтың сәні кірер» жобасы аясында 15-ші қыркүйекте social camp өтеді

Қозғалыс мүшелері «Сәбимен шаңырақтың сәні кірер» жобасын жасақтады, ол әлеуметтік жетімдік тәуекелі басым балаларға қолдау көрсету жүйесін қайта қарайды және аталмыш мәселені шешу үшін заңнаманы өзгертуді  ұсынады.

«Жоба аясында  әлеуметтік-экономикалық зерттеу жүргізу жоспарланып отыр. Бұл жұмыс қаржыны балаларды интернаттық мекемелерде асырауға жұмсағаннан гөрі, әлеуметтік жетімдіктің алдын алуға жұмсау мемлекет үшін тиімдірек екендігін көрсетеді. Зерттеу қорытындысы бойынша қоғамдық талқылаулар ұйымдастырылады», - деп түсіндірді жоба үйлестірушісі.

Сонымен қатар, Ш. Байболова атап өткендей,  social camp өткізу шеңберінде еліміз бойынша қызықты жобалар жинауға мүмкіндік туады және тәжірибе алмасады.

««Қазақстан 2050» жалпыұлттық қозғалысы «Сәбимен шаңырақтың сәні кірер» жобасы аясында 15 қыркүйекте Астанада social camp өткізеді. Ол «барша отбасына әлеуметтік инновациялар» деген тақырыппен өтеді. Social camp өткізу аясында Қазақстан бойынша қызықты жобаларды жинауға мүмкіндік туады және тәжірибе алмасады», - деді ол.

Индира Кауметова

Барлық жаңалықтар