«Қазақстан-2050» қозғалысының белсенділері ауыл мектептерінде тегін білім береді

13 Тамыз, 2014 15:51

«Қазақстан-2050» жалпыұлттық қозғалысының 300 волонтері 15 қыркүйектен бастап «Зияткер ұрпақ» жобасы аясында ауылдық жерлерге шығып мектептерде балаларға тегін білім береді, бұл туралы ОКҚ брифингінде «Қазақстан-2050» Жалпыұлттық қозғалысы кеңесінің төрағасы Данат Жұмин мәлімдеді.

«Бүгін жастар ішінде ауылдық жерге барып балаларға білім бергісі келетіндер жоқтың қасы, ауылдық жерде халықтың тең жартысы 45 пайызы мекен етеді. Біздің елде білімі толыққан ақылды жастар жетерлік, біз ол білімді ауылдық жердегі балаларға таратуды жөн көрдік. Олар мастер-класстар өткізеді», - деді ол.

Сондай-ақ, Д. Жұмин атап өткендей, ауылдық жердегі сапасыз білімнің берілу проблемасы жалпыұлттық мәселе болып табылады.

«Біздің қозғалыстың қызметі проблемалы аймақтарға барып азаматтық қызмет көрсету. Біз бүгінде ауылдық және қалалық білім беру сапасының айырмашылығын көріп отырмыз. Сондай-ақ, ауылдық жерде біліктілігі жоғары мамандардың жеткіліксіз екендігін көріп отырмыз.Бұл істерді шешуге жалғыз мемлекеттің қауқары жетпейді», - деді ол.

Сондай-ақ, Жалпыұлттық қозғалыстың төрағасы атап өткендей, волонтерлар ауылдық оқушыларды ғылымға, гуманитарлық салада үйретеді.

Индира Кауметова