Мәжіліс депутаты Н. Сабильянов ШҚО жұртшылығымен кездесті
13 Тамыз, 2014 13:28
Мәжіліс депутаты, «Нұр Отан» партиясы парламенттік фракциясының мүшесі Нұртай Сабильянов Шығыс Қазақстан облысының Аягөз және Үржар аудандарының елді-мекенінде сайлаушыларымен 14 кездесу өткізді, деп Мәжілістің баспасөз қызметі хабарлады хабарлады.
Депутатпен жүздесуге келген тұрғындар халықты жұмыспен қамту, кәсіпкерлікті қолдау, сумен жабдықтау жүйесін реконструкциялау, автожолдарды жөндеу, ауылдарда тұрғын үй салу, ауылшаруашылығы өнімдерін өңдейтін кәсіпорындарды құру, ең төменгі зейнетақы мен жәрдемақыны арттыру мәселелерін және басқа да әлеуметтік мәселелерді көтерді. Сонымен бірге тұрғындар Алакөлде туризмді дамыту, Барлық-Арасан санаториясын калпына келтіру туралы мәселелерге назар аударуды сұрады.
Кездесулер барысында Н.Сабильянов азаматтарды жеке мәселелері бойынша қабылдады, елді мекендердегі әлеуметтік нысандарды және Алакөл жанындағы инфрақұрылымымды аралап көрді.
