"Казақстан-2050" қозғалысы жарты жыл ішінде 16 жобаны іске асырды

13 Тамыз, 2014 12:37

"Казақстан-2050" қозғалысы құрылған 6 ай ішінде 16 жалпыұлттық жобаны іске қосты, олар «Қазақстан - 2050» стратегиясында көрсетілген міндеттерді орындауға бағытталған. Бұл туралы ОКҚ өткен брифингте «Қазақстан - 2050» жалпыұлттық қозғалысы кеңесінің төрағасы Данат Жумин хабарлады.

«Қозғалыс құрылған алты ай ішінде «Қазақстан-2050» стратегиясы алға тартқан міндеттерді орындау бағытында 16 жоба қолға алынды. Қазірде 4 жоба аяқталды, ал 12-сі жүзеге асырылып жатыр. Бұл жобалар азаматтық тұтастық пен жауапкершілікті нығайтуды, отандық экономиканы дамытуды, білім беру сапасын арттыруды және аймақтарды тең дәрежеде дамытуды көздейді», - дейді Д.Жумин.

Оның айтуынша, биылғы жылдың тамыз айына дейін «Қазақстан- 2050» жалпыұлттық қозғалысының жобаларына 140 мыңнан астам адам қатысқан. Жыл соңына дейін қозғалыс жобалары 300 мыңға жуық адамды қамтиды деп жоспарлауда.

Естеріңізге сала кетейік, «Қазақстан - 2050» жалпыұлттық қозғалысын құру туралы идеяны ҚР президенті Н.Назарбаев ұсынды. Ол өзінің ойын «Болашақ» халықаралық стипендиясының мерейтойлық форумында білдірген болатын.

Индира Кауметова

Барлық жаңалықтар