Қызылорда облысының кәсіпкерлері Германияда тағылымдамадан өтті
12 Тамыз, 2014 15:21
Қызылорда облысында «Бизнестің жол картасы - 2020» бағдарламасының екінші легінің 4 бағыты бойынша 11 топ-менеджер АҚШ мен Германиядан тағылымдамадан өтіп келді, деп хабарлады «Даму» қоры.
Қазақстандық топ-менеджерлер 4 аптаға созылған тәжірибеде өз бизнестерін одан ары дамыту, мемлекеттік қолдау аясында шетелдік әріптестермен байланыс орнату сынды бірегей мүмкіндікке ие болды.
Жобаға қатысушылар шетелдік байланысын нығайтып, басқару саласында тәжірибе алмасты.
«Біз көптеген тренингтерге қатыстық. Олардың ішінде немістердің кәсіпорындарын аралау өте тиімді болды. Мақсат жеке құрылымдардың міндетін үйрену, жұмысымен танысу және тәжірибе алмасу», - деп атап өтті жоба қатысушысы Мағжан Ералиев.
