Аэроұтқыр әскерлері Қазақстанды терроризмге қарсы оқу-жаттығуда таныстырады

12 Тамыз, 2014 19:23

Алматы облысының «Достық» бекетінде Аэроұтқыр әскерлерінің «Бейбіт миссия – 2014» терроризмге қарсы оқу-жаттығуына қатысатын жеке құрамын, қару-жарақ және әскери техникасын шығарып салуға арналған салтанатты іс-шара өтті, деп Қорғаныс министрлігінде хабарлады.

«Бейбіт миссия – 2014» Шанхай ынтымақтастық ұйымына мүше мемлекеттер қарулы күштерінің терроризмге қарсы бірлескен оқу-жаттығуы Қазақстан Республикасы Қарулы Күштерінің 2014 жылғы даярлық Жоспарына және ШОС шеңберіндегі Келісімдерге сәйкес 2014 жылғы

24-29 тамыз аралығында Қытай Халық Республикасының «Чжужихе» полигонында өтеді.

Оқу-жаттығу бірнеше кезеңнен тұрады. Онда жеке құрамға таулы жерлер мен елді мекенде заңсыз қаруланған құралымдармен тактикалық күрес эпизодтары жүзеге асырылады.

««Бейбіт миссия – 2014» оқу-жаттығуына Қазақстан Қарулы Күштерінен Аэроұтқыр әскерлерінің десантты-шабуылдаушы батальоны мен Әуе қорғанысы күштерінің ұшақтары қатысады», - делінген хабарламада.

«Бейбіт миссия – 2014» оқу-жаттығуының ресми ашылуы 2014 жылғы 24 тамызда өтеді.

Барлық жаңалықтар