Қарағанды облысында «Жастар кадрлық резерві» жобасына 46 адам қатысты

Бүгінде Қарағанды облысында 3 партиялық жастар жобасы белсенді түрде жүзеге асырылуда. Олар: «Жастар – Отанға!», «Сәтті қадам» және «Жастар кадрлық резерві».

Жыл басынан бері «Жастар кадрлық резерві» жобасына 46 адам қатысты.

«Жастар – Отанға!» жобасы аясында 10 мобильді топ құрылып, олар 41 ауылдық окургті аралады. Негізінен кеңес жұмыспен қамту, баспана, денсаулық сақтау, білім беру мәселелері бойынша берілді.

Жыл соңына дейін 36 ауылдық округке бару жоспарлануда. «Кеңес орталығы» кеңес беру орталықтарына жыл басынан бері 766 жас азамат баспана (31%), жұмыспен қамту (25%), бизнес құру (19%), басқа да мемлекеттік бағдарламаларға қатысу (14%) және т.б. мәселелер бойынша кеңес сұрай келген.   

«Сәтті қадам» жобасы бойынша 13 мемлекеттік мекемемен және ұлттық компаниялардың 3 филиалымен, жергілікті өнеркәсіп кәсіпорындарымен («АрселорМиттал Теміртау» АҚ, «Қазақмыс» корпорациясы» ЖШС, «Имсталькон» АҚ) меморандум жасалды.