Қарағанды облысының Кедендік бақылау комитетіне жарты жылда 6 мың өтініш түсті
12 Тамыз, 2014 14:21
2014 жылдың бірінші жарты жылдығында Қарағанды облысының Кедендік бақылау комитетіне 6658 өтініш түсті, оның ішінде заңды тұлғалардан – 5922, жеке тұлғалардан – 736, деп департаменттің баспасөз қызметі хабарлады.
Өтінімдердің 6413-і өтініш, 66 сауал, 171-і анықтама алуға бағытталған өтінім, 8 шағым, оның бірі расталды.
«Хат ретінде келетін өтініштердің басым бөлігі ҚР мен КО кедендік заңнамасына байланысты анықтау, автокөлік қаражатын кедендік ресімделуі, кедендік салық пен төлем бойынша қарыздың жоқтығы туралы анықтамалық қағаз беру сынды сұрақтар қозғалады», - делінген хабарламада.
Айта кетерлігі, «электрондық үкімет» мемлекеттік бағдарламасы бойынша 2012 жылдан бастап Қарағанды облысының кедендік бақылау департаментінде ҚР мемлекеттік органдарының электрондық құжат айналымының бірыңғай жүйесі жұмыс істейді. Ал 2014 жылдың қаңтарынан бастап бағдарламаға «Айқын» жобасы бірікті.
