12 Тамыз, 2014 10:21
Атырауда 108 жас отбасы пәтерге ие болды
Атырауда «Қолжетімді баспана-2020» мемлекеттік бағдарламасының «Жас отау» бағыты аясында 108 атыраулық жас отбасы баспаналы болды, деп облыс әкімдігінде хабарлады.
Атырау қаласындағы тұрғын үйлерден жаңа қонысқа ие болғандарға облыс әкімі Бақтықожа Ізмұхамбетов өз қолымен пәтер кілттерін тапсырды.
«Президентіміз Н.Назарбаевтың тапсырмасын орындау үшін биылғы жартыжылдықта облыс көлемінде 318 пәтерлік бес үй тапсырылды, - деді облыс басшысы Бақтықожа Ізмұхамбетов.
Пәтер бөлмелері кең, жарық әрі ыңғайлы. Барлық инфрақұрылымдық жүйелер жүргізілген. Иелеріне есігін айқара ашқан 108 пәтердің 18-і – бір бөлмелі, 18-і – үш бөлмелі болса, қалғаны – екі бөлмелі баспаналар.
