Н. Назарбаев пен А. Лукашенко екіжақты ынтымақтастық мәселелерін талқылады
12 Тамыз, 2014 09:01
Елбасы Нұрсұлтан Назарбаев Беларусь Республикасының Президенті Александр Лукашенкомен телефон арқылы сөйлесті, деп Ақорданың баспасөз қызметі хабарлады.
Әңгіме барысында Еуразиялық экономикалық одақты дамыту, соның ішінде ЕАЭО туралы шартты ратификациялау және одаққа Армения мен Қырғызстанның қосылуы мәселелері жөнінде пікір алмасты.
Екі мемлекет басшысы Украинадағы ахуалды және еуразиялық «үштік» пен Украина кездесуін өткізу ықтималдығын да талқылады.
