Астанада 16- 23 тамыз аралығында мектеп жәрмеңкесі өтеді

«Жәрмеңке 16 және 23 тамыз күндері Астана әкімдігі алдындағы орталық алаңда мектеп жәрмеңкесі ұйымдастырылады. Жәрмеңкеде мектеп киімдері, оқу құрал-жабдықтары нарықтағыдан төмен бағаға сатылады. Ата-аналар таңғы оннан кешке дейін жұмыс істейтін жәрмеңкеге келіп, төмен бағаға қажеттісін сатып ала алады», - деді Қ.Сенғазиев.

Өз тауарларын өңірлерден келген және Астана қаласының кәсіпкерлері ұсынады. Мұнымен қатар, ірі сауда орталықтарында арнайы контейнерлер орнатылмақ.

«Сонымен қатар, қаладағы «Хан шатыр», «Керуен» тәрізді ірі сауда орындарымен келісіп жатырмыз. Контейнерлер орнатылады, мұқтаж балаларға кез келген адамның көмек көрсетуіне мүмкіндік болады. Мұндай акцияны Астанада бірінші рет ұйымдастырып отырмыз», - деп түйіндеді Қ.Сенғазиев

Индира Кауметова