• Басты
  • Ең алдымен өте мұқтаж балалар тегін оқулықтармен қамтылады– БҒМ

Ең алдымен өте мұқтаж балалар тегін оқулықтармен қамтылады– БҒМ

11 Тамыз, 2014 17:03
Ең алдымен өте мұқтаж балалар тегін оқулықтармен қамтамасыз етіледі. Бұл туралы жалпы республикалық акцияға арналған брифингте білім және ғылым вице-министрі Есенғазы Иманғалиев мәлімдеді.

«Нормативті-құқықтық актілерге сәйкес, тегін оқулықтарға белгілі жағдайдағы оқушылар ие болады. Оның ішінде әлеуметтік аз қамтылған балалар, жетімдер, әке-шешесінің қарауынсыз қалған балаларға 100 пайыздық көрсеткішпен оқулықтар тегін беріледі», - деді Е. Иманғалиев.

Арнайы қорландыру тегін оқулықтарға аса мұқтаж балалардан кейін барып өзгелерге таратады.

«Қор бірінші кезекте аса мұқтаж болған балаларды кітаппен қамтамасыз етеді. Мәселен, егер де мектеп кітапханасының жағдайы болып жатса аса мұқтаж балалардан кейінгі деңгейді кітаппен қамтамасыз етеді. Барлық ата-ана оқулықты сатып алу  керек деген міндет, тәртіп жоқ», - деді ол.

 Сондай-ақ, вице-министр кітап дүкендері алдындағы кезекті ата-аналар өздері туғызатындығын атап өтті.

Индира Кауметова 

Барлық жаңалықтар