11 августа, 2014 15:59
«Мектепке жол» акциясы бойынша әр оқушыға 25 және 65 мың теңге аралығында әлеуметтік көмек көрсетілді - БҒМ
«Мектепке жол» акциясы шеңберінде әр оқушыға берілетін материалдық көмектің көлемі 25 мың мен 65 мың теңге аралығында болды, ол аймақтағы баға ауытқуларына байланысты. Бұл туралы ҚР Білім және ғылым вице-министрі Есенғазы Иманғалиев брифингте хабарлады.
«Балалар мектепке қажетті заттармен қамтамасыз етіледі. Олар:мектеп формасы, дәптер, аяқ-киім және тағы басқалар. Материалдық көмек әр аймақтардағы баға ауытқуларына байланысты 25 мың мен 65 мың теңге аралығында көрсетілуде», - деп атап өтті вице-министр.
Биылғы қайырымдылық шарасы ҚР БҰҰ балалар құқығы туралы конвенциясын ратификатциялағанына 20 жыл толуына орай «Балаларға қуаныш сыйла» деген ұранмен, салалық ведомствоның бастамасымен өткізілді.
Естеріңізге сала кетейік, «Мектепке жол» жалпы республикалық қайырымылық акциясы жыл сайын дәстүрлі түрде 1 тамыз бен 30 тамыз аралығында өтеді.
Индира Кауметова
