11 августа, 2014 19:17
Қытайдан келген әртістер Өскемен тұрғындарына қазақ тілінде ән шырқады (ФОТО)
Өскеменде өткен фольклорлы концертте Қытай Халық Республикасынан келген әртістер қала тұрғындары үшін қазақ тілінде ән шырқады, деп хабарлайды ШҚО-ның Ақпараттық орталығы.
Концертте Чугучак пен ҚХР өзгеде орталық қалаларынан келген 40 өнер ұжымдары өнер көрсетті.
Көрермендер Қытайдағы танымал әншілердің әндерін естіп, гаоху, пипа, гучжэн сынды этникалық аспаптардың үнімен құлақтарының құрышын қандырды. Сонымен қатар, би ансамбльдерінің өнерлері халықтың ерекше ықыласына ие болды. Ал, қазақ тілінде халық әнін шырқаған орындаушыны көрермен ықыласпен тыңдады.
Мерейлі концерт алдында, тұрғындар үшін Чугучактан келген шеберлердің қолынан шыққан өнер туындыларының көрмесі өтті. Онда түрлі мүсіндер, ыдыс аяқтар мен құмыралар қойылды. Көрме қонақтарына ұнаған затты сатып алуына бар жағдай жасалды.
