Алматыдағы халықаралық жарыста кинологтардың кәсіби деңгейі бағаланады
11 Тамыз, 2014 19:53
Бүгін Алматы қаласында ішкі істер органдарының кинолог-мамандары және қызметтік иттерінің республикалық жарысы басталып кетті, деп ІІМ-де хабарлады.
Жарыстың негізгі мақсаты – қиын да жауапты жедел-іздестіру іс-шараларға қатысушы үздік кинологтар мен иттер резервін қалыптастыру.
Жарысқа өңірлік жарыс кезеңінен үлгерімді өткен кинологиялық қызметтің 16 үздік қызметкері қатысады.
Жарыс барысында кинологтардың кәсіби деңгейі және есірткі құралдарын іздеуге дайындалған қызметтік-іздестіру иттерінің дайындық деңгейі бағаланатын болады. Автокөлікте, ғимаратта, жүкте және орындарда есірткі құралдарын іздеу және анықтау бойынша дағдылар бағаланады.
